Ekipet e shpëtimit në Venezuelë kanë nxjerrë të gjallë një foshnjë nga rrënojat e një ndërtese të shembur, pas tërmeteve shkatërruese që goditën vendin.
Autoritetet bëjnë të ditur se operacionet e kërkim-shpëtimit po vazhdojnë ende, ndërsa ekipet emergjente janë në kërkim të mijëra personave të zhdukur pas fatkeqësisë natyrore që shkaktoi dëme të mëdha, transmeton Klankosova.tv
Zyrtarët nuk kanë dhënë ende detaje për gjendjen shëndetësore të foshnjës së shpëtuar, por kanë theksuar se operacioni ka qenë shumë i vështirë për shkak të rrënojave të paqëndrueshme dhe pasgoditjeve të vazhdueshme.
